Psa 120 | TPI | STEP | Song bilong ol lain i wokabaut i go long ples bilong lotu. Taim hevi i kamap long mi, mi singaut long Bikpela, na em i harim beten bilong mi.

Psalms 120

Man i prea long God i helpim em

Song bilong ol lain i wokabaut i go long ples bilong lotu.

1 Taim ^a hevi
i kamap long mi,
mi singaut long Bikpela,
na em i harim beten bilong mi.
2 Mi bin prea olsem,
“Bikpela, helpim mi.
Nogut ol man bilong giaman
i paulim mi.”

3 Yupela man bilong giaman,
God bai i mekim wanem
long yupela?
Olsem wanem bai em i mekim save
long yupela?
4 Bai em i sutim yupela
long spia bilong ol soldia,
na kapsaitim hatpela paia
long yupela.
5 Mi sindaun nogut
namel long yupela,
na dispela i wankain olsem
mi sindaun nogut
long kantri Mesek
na namel long ol Kedar.
6 Mi stap longtaim tumas
wantaim ol man
i no laik sindaun gut
wantaim ol arapela manmeri.
7 Taim mi tok long sindaun gut,
ol i laik pait tasol.